الرئيسيةالبوابةمكتبة الصورالتسجيلس .و .جبحـثالأعضاءالمجموعاتدخول

شاطر | 
 

 الحلـــــــــــــــــــم00للشاعر: حامد زيد

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
يوزماكي نارتوا
عضو نشيط
عضو نشيط


المساهمات : 56
تاريخ التسجيل : 26/12/2007

مُساهمةموضوع: الحلـــــــــــــــــــم00للشاعر: حامد زيد   الأربعاء ديسمبر 26, 2007 11:49 am

"بوقت من البطا،وبليل تترقص شياطينه"
"بعد شفت الضيا ينزع من ثياب المسا ثلثين "
"تحايلت المنام اللي مثل بيتك تمرينه "
"وانا اللي من تفارقنا وأنا ماغمضت لي عين "
"غريبة!!كل حلم يمر برقادي تزورينه"
"والاغرب..كيف أحلم الحلم،وارجع واحلمه بعدين؟ "
"قبل يومين،شفتك بالمنام..وقمت من حينه!"
"ونمت أمس،ورجع نفس المنام اللي قبل يومين "
"أنا اللي قبل اسافر شلت قلبي من شرايينه"
"تركته في يدك الأمانه،واحفظيها زين "
"ترى حفظ الأمانه دين..مجبورة تردينه"
" أجل ، مافيه أحد قال لك((حفظ الأمانة دين))؟! "
"مرد المقفي بيلفي..ويستوفي ،وتوفينه"
"بعدليله،ثلاثه،أربعه،عشره،شهر،شهرين "
"إذا انتي ،ماانتي بقد الكلام اللي تقولينه"
"حرام...استامنك حاجة،وإذا جيت اطلبك تنسين "
"تخونين،وتبين أرضى!..واحد يرضى تخونينه!"
"أنا لاجيت أخونك،مع حبيبة ثانيه،((ترضين))! "
"من أول مارجعت من السفر ماشفت لك بينه؟"
"وأنا اللي كنت أحسبك قبل ادوس ارض المطار..تجين "
"تكونين أنتي أول شخص عيني تحتضن عينه"
"وكنت أتخيلك من زود فرحة رجعتي..تبكين "
"وأشوف بدمعتك حكيك..وأعرفه قبل تحكينه"
"واجيب أحلى من اللي بتحكينه،وأتركك تحكين "
"تقولين:الوطن نور..وأقول:بنورمضوينه"
"تقولي لي:غديت أحلى،وأقول:عيونك الحلوين "
"كلام نام بشفاهك..وخفتي لاتصحينه"
"ذخرتيه لغرام للي ينام...ويترك تصحين "
"تغانمتي غيابي..لين رجحتي موازينه"
"تعلم من يدك لمس الكفوف وعلمك تجفين "
"وليتك لاقيه به شي...فيني ماتلاقينه!"
"مهو بغرور..لكن خابرك مالك أمل تلقين "
"تغافلك بغلا..والإ الحلا مهو بمن زينه!!"
"تزينه الصور ..بس الصحيح ابن الحلالزوين!! "
"وأنا ماني بنقاص عنه يوم أنك تبدينه"
"نصيبي..هو نصيبي لو يسددها من الصوبين "
قنوع بمظهري،والسم سم مايذبح ثعابينه "
"إذا أهداك الزهر مره،فأنا اهديتك بساتينه"
" وإذا ألهاك بفرح ليله، فانا تهت لبكاك سنين "
"وإذا استضعفتك أملاكه...وشتتك ملايينه "
" أنا حتى فتات الخبزة أقسمها معك نصين "
"طموحي ،بس أجي وأظفر بشي تستحقينه"
"تدينته،تسلفته،سرقته،مومهم منين؟ "
"كأني من كثر ماارضى بكل اللي تمنينه "
" لو انك تطلبين الله ..يعنيني، بقول آمين "
"أنا ماالعب على الحبلين،وقت الطيش وسنينه"
"تبين الحين يوم أني كبرت العب على الحبلين؟! "
"ترى عند البدو بالذات((عيب اللي تسوينه))!!"
"حلاتك لاعشقتي..تعشقيني ليوم الدين "
"غرامٍ نسكن ضلوعه...حشيمه من مجانينه "
"جفا،يجمع معزتنا...ولاعشق يذل أثنين "
"كثار اللي تحدوني وقالولي :تحبينه"
"امانه..لاتخليني صغير بعينهم ((تكفين))!! "
"لاني كل ماقالوا((تخون))..اقول:مسكينه"
"عليك الله وأمانه..علميهم منهو المسكين "
"أنا خايف((لياطاح الجمل تكثر سكاكينه))"
"وأنا ماعاد بضلوعي مكان لطعنة السكين "
"مثل ماقالوا((المكتوب واضح من عناوينه))"
"لو ارحل منك للغربه..بسافر من ظلامك وين؟! "
"كفايه..كل حلم يمر برقادي تزورينه"
"كفاية...من تفارقنا..وأنا ماغمضت لي عين "
"قبل يومين شفتك بالمنام وقمت من حينه"
"ونمت أمس،ورجع نفس المنام اللي قبل يومين "

طبعا هذي القصيده من اجمل القصائد الــــي سمعتها

واتمنا تعجبكم
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
أبو حمود العتيبي
المدير العام
المدير العام


المساهمات : 76
تاريخ التسجيل : 22/12/2007

مُساهمةموضوع: رد: الحلـــــــــــــــــــم00للشاعر: حامد زيد   الأربعاء ديسمبر 26, 2007 11:52 am

مشكور على القصيده

وصح لسانك والشاعر
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
يوزماكي نارتوا
عضو نشيط
عضو نشيط


المساهمات : 56
تاريخ التسجيل : 26/12/2007

مُساهمةموضوع: رد: الحلـــــــــــــــــــم00للشاعر: حامد زيد   الأربعاء ديسمبر 26, 2007 11:58 am

مشكور على الرد الجميل
وتسلم
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
x.my
المدير العام
المدير العام


المساهمات : 209
تاريخ التسجيل : 21/12/2007

مُساهمةموضوع: رد: الحلـــــــــــــــــــم00للشاعر: حامد زيد   الخميس ديسمبر 27, 2007 4:40 am

صح لسانك

مشكور وإلى الأمام

_________________


الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://wewe.ahlamontada.com
ساسكي
عضو جديد
avatar

المساهمات : 29
تاريخ التسجيل : 26/12/2007

مُساهمةموضوع: رد: الحلـــــــــــــــــــم00للشاعر: حامد زيد   الخميس ديسمبر 27, 2007 9:43 am

صح لسانك ومشكور على القصيدة
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
الحلـــــــــــــــــــم00للشاعر: حامد زيد
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
عالم (A world of imagination) الخيال :: عالم العامه :: منتدى الشعر-
انتقل الى: